कोरोनाको चिनियाँ खोप यसै वर्षको अन्त्यसम्म बजारमा आउनसक्ने, सकियो दुई चरणको परीक्षण

कोरोनाको भ्याक्सिन यसै वर्षको अन्तमा विश्वबजारमा आउने दाबी

चीनमा हाल विकास भइरहेको कोरोना भाइरसविरूद्धको खोप यस वर्षको अन्त्यसम्म बजारमा आउने अनुमान गरिएको छ।

चीनको मन्त्रीपरिषद्सँग जोडिएको सरकारी निकाय स्टेट काउन्सिलले यस्तो जानकारी दिएको हो।

वुहान वायोलिजिकल प्रोडक्टस् रिसर्च इन्सिट्यूट र बेइजिङ प्रोडक्ट्स रिसर्च इन्सिट्यूटले संयूक्तरूपमा विकास गरिरहेको यो खोपको चिकित्सकीय तथा मानवीय परीक्षणको दुई चरण पूरा भइसकेको छ।

चीनको सरकारी स्वामित्वमा रहेको ‘एसेट सुपरभिजन तथा प्रसाशनिक कमिसन’ले चिनियाँ सामाजिक संजाल विच्याटमा खोप वर्षको अन्त्यसम्म उपलब्ध हुने घोषणा गरेको छ।

हिन्दुस्तान टाइम्समा प्रकाशित समाचारका अनुसार यी दुबै संस्थाहरू चीनको सरकारी स्वामित्वमा रहेको औषधि निर्माण कम्पनी ‘सिनोफार्म’सँग सम्बन्धित छन्।

२ हजार बढी मानिसमा पहिलो दुई चरणको परीक्षण सम्पन्न भइसकेको छ।

‘यसको चिकित्सकीय परीक्षणलाई तीन चरणमा बाँडिएको छ, बजारमा आउनुपूर्व तेश्रो चरण पूरा गरिनेछ। यो वर्षको अन्त्यसम्म वा अर्को वर्षको सुरूवातसम्म खोप बजारमा आउनसक्छ’, घोषणामा भनिएको छ।

खोप परीक्षणका दुई चरणबाट प्राप्त तथ्यांकले अन्य खोपको भन्दा सुरक्षा र असरका हिसाबले अझ राम्रो छ।

हाल विश्वभर सय भन्दा बढी खोपको विकास भइरहेको छ र चीनमा मात्रै ५ वटा कोरोना खोपको परीक्षण र विकास चलिरहेको छ।

यसैगरी कोरोना भाइरसको उद्गम स्थलमा वुहान कोरोनाको महत्वाकांक्षी ‘न्यूक्लिक एसिड परीक्षण’ पूरा गर्ने लक्ष्यको नजिक पुगेको छ। वुहान शहरले प्रत्येक नागरिकको कोरोना परीक्षण गर्ने घोषणा गरेको थियो।

मे १५ देखि २५ को अवधिमा वुहानका स्वास्थ्य परीक्षणकर्मीहरूले त्यहाँका ६५ लाख बढी नागरिकको परीक्षण गरेका थिए। परीक्षणमा २ सय १८ जनामा लक्षण नदेखिएका कोरोना संक्रमित फेला परेका छन्।

चीनले यो परीक्षण भाइरसको सम्भावित दोश्रो महामारीको खतरालाई ध्यानमा राख्दै गरेको हो। वुहानका केही वासिन्दामा पुनः संक्रमण देखिएपछि ऊ यो महत्वाकांक्षी परीक्षणमा गएको थियो।

परीक्षणलाई समयमै सक्न स्वास्थ्यकर्मीहरूले १० देखि २० वटा नमुनालाई एकै ठाउँमा मिसाएर तिनको एकल परीक्षण गरेको थियो।

यसक्रममा नतिजा पोजेटिभ आएको समूहका मानिसमध्ये कसलाई पोजेटिभ छ भन्ने जान्न उनीहरू नमुना पुनः छुट्टाछुट्टै परिक्षण गरिएको थियो। @Setopati

 

@Onlinekhabar-

कोरोना भाइरसविरुद्ध चीनले बनाएको भ्याक्सिन यसै वर्षको अन्तसम्ममा विश्व बजारमा आउने दाबी गरिएको छ । चीनको सम्पत्ति पर्यवेक्षण तथा प्रशासन परिषदले शनिबार सामाजिक सन्जालमा एक पोष्ट गर्दै सो दाबी गरेको हो ।

वुहान इन्सटिच्युट अफ बायोलोजिकल प्रोडक्ट्स र बेइजिङ इन्सटिच्युट अफ वायोलोजिकल प्रोडक्ट्सले भ्याक्सिन तयार पारेका छन् । सो भ्याक्सिनको परीक्षण २ हजार जना व्यक्तिमा गरिसकिएको छ । हाल दोस्रो चरणको परीक्षण जारी छ ।

मे महिनाको २९ तारिखमा चीनको सामाजिक सन्जाल वी च्याटमा सम्पत्ति पर्यवेक्षण तथा प्रशासन परिषदले यसैबारे एक पोष्ट गरेको थियो । त्यसमा लेखिएको छ– यो भ्याक्सिन यसै वर्षको अन्तिममा वा अर्को वर्षको सुरुवातमा बजारमा आउन सक्छ । भ्याक्सिन दोस्रो चरणको परीक्षणमा गएको छ ।

चीनको सम्पत्ति पर्यवेक्षण तथा प्रशासन परिषद, राज्यपरिषद अन्तर्गतको मन्त्रीस्तरीय संगठन हो ।

कोरोना भाइरसको संक्रमण चीनको वुहानस्थित एक पशुपंछी बजारबाट सुरु भएको थियो । तर यसको औषधि अझै पत्ता नलाग्दा विश्वभर महामारीको रुप लिएको छ ।

अमेरिकाको जोन्स हप्किन्स विश्वविद्यालयका अनुसार विश्वभर ६० लाख ५४ हजार १ सय ८७ जनामा कोरोना भाइरस संक्रमण पुष्टि भएको छ भने ३ लाख ६८ हजार ७ सय ११ जनाको मृत्यु भइसकेको छ ।

Leave a Reply

Back to top button
Close
%d bloggers like this: